Maýa Kuliýewa (May 1st, 1920 (92-year-old) is an outstanding Soviet soprano opera singer from Turkmenistan. She is a People's Artist of the USSR (1955) and was conferred the title of Hero of Turkmenistan and "Altyn Aý" golden medal in 2008 for mastership, services to the homeland, invaluable contribution to the Turkmen art. Legend of the Turkmen culture that the singer worthily represented all over the world in the best concert halls of the planet. ~~~~~~~~~ Ruhabat etrabynyň Akdaşaýak obasynda özüniň täsin sesi bilen türkmen aýdym-saz sungatyna älem-jahana jar etjek gyzjagaz dünýä inýär. 1920-nji ýylyň ýaz paslynda tebigat hem bu bolan wakany dunýä ýüzüne äşgär edýäne çalym edip, şol gijäniň ýyldyrymy, gök gübürdemesi we çagbasy bilen, üýtgeşik şowhuna beslenýär. Ol ene-ata mährinden juda ir galýar. Ýetimçilik gowgaly 30-njy ýyllar onuň öz ýaşyndan gaty ir kämil çykmagyna getirýär. Döwrüň gowgalarynyň içinde diňe aýdym-saz onuň ýüregine teselli berýär. Mamajan orta mekdepde okaýarka-da, ony tamamlap, paýtagytymyzdaky mugallymçylyk mekdebinde okuwa başlanda-da, soňy bilen ömrüniň manysyna öwrüljek aýdym-saz sungaty bilen ysnyşykly aragatnaşyk saklamagyny dowam edýär. Mugallymçylyk mekdebiniň hor toparynyň ýolbaşçysy Allanazar Rejebow ilkinjileriň biri bolup, garaýagyzdan gelen çepiksizje gyzda tebigy zehiniň bardygyna göz ýetirýär. M. Kuliýewa özüniň uly sungatyň ýoluna düşüşi baradaky yatlamalarynda şeyle diýýär «Meniň ilkinji gezek uly sungata tarap äden ädimim 1937-nji ýylda, çeper höwesjeňleriň Aşgabatda geçirilen respublikan gözden geçirilişine gatnaşanymdan soň bolup geçdi. Şonda meniň ýerine ýetiren «Garybym» atly aýdymym diňe bir diňleýjiler tarapyndan gyzgyn garşy alynman, eýsem, emin agzalaryňam güwnünden turdy. Şondan soň meni, şol döwür ýön bolan, ýerli milletden bolan zehinli oglan-gyzlary ýokary okuwa iberişleri ýaly, Moskwanyň P.I. Çaýkowskiý adyndaky döwlet konserwatoriýasyna ugratdylar» Ýaş aýdymçynyň tebigy sesiniň üstünden konserwatoriýanyň ussat professorlary W.I.Koptewa, W.W.Lýutse, I.A.Askoçenki dagy irginsiz işleýärler. Olar Maýanyň (hut şu ýerde dürli milletden bolan synpdaşlarydyr mugallymlary onuň adyny Maýa diýip tutup başlaýarlar), saz sungatynyň dili bilen aýdanymyzda, koptaraply soprano sesiniň giň diapozony dolulygyna açýarlar. Ussat halypalar M.Kuliýewada opera aýdym sungatynyň inçe tilsimlerine bolan ukyby daşary ýurt, rus klassik kompazitorlary Bethoweniň, Mosartyň, Şopeniň, Pucciniň, Werdiniň, Çaýkowskiniň sazlaryna ýazylan ariýalary aýtdyrmak bilen tanaýarlar.